Азиз Раметовдан янги тарона ва клип премьераси

Серқирра ижодкор Азиз Раметов сўнгги кунларда тиним билмай ижод қилмоқда. У кетма-кет янги қўшиқлар яратиб, унга видеоклиплар тасвирга олдирмоқда. Биз яқиндагина ана шундай ижод маҳсулларидан бири “Келақол” номли қўшиғи учун хонанда клип суратга тушириш ишлари билан бандлиги ҳақида хабар берган эдик. Орадан кўп ўтмай, бу таронага ишланган видео асар тайёр бўлди ва қўшиқ билан бирга халқимизга намойиш этилди.

Элдор Қаюмов сўзи ва мусиқаси билан яратилган қўшиқнинг аранжировкасини Ботир Алиев амалга оширган. Клип эса Ислом Нуриллаев режиссёрлигида суратга олинган бўлиб, унда эстрадамиз вакиллари ҳам иштирок этган.