Сардор Раҳимхондан навбатдаги туҳфа

Ўзбекистонда хизмат кўрсатган артист Сардор Раҳимхон кетма-кет тайёрлаётган янгиликлари билан мухлисларини хушнуд этишда давом этади.  Бу сафар қандай янгилик дейсизми? Хонанда куз ва қиш мавсумига мос янги фотосессияни амалга оширди. Тез кунда бу фотожамланмани биринчилар қаторида сайтимиз орқали томоша қилиш имконига эга бўласиз.

Бу ҳали ҳаммаси эмас. Аввал маълум қилганимиздек, хонанда ижодидаги навбатдаги қўшиқ яъни “Дунёни беринг болажонларга” номли тарона юртимизнинг етакчи радиотўлқинлари узра жаранг сочади. Сардор Раҳимхоннинг сўзларига қараганда, бу композиция учун видеоклип ҳам тасвирга олинмоқда. Клип қўшиқ билан бирга намойиш этилиши кўзда тутилган.