Азиз Раметов янги видеоклип суратга олди

Серқирра ижодкор, хонанда ва актёр Азиз Раметов айни дамда кетма-кет янги қўшиқ ва клиплар устида ишламоқда. Сўнгги ижод маҳсулларидан бири бўлмиш “Келақол” қўшиғи учун тасвирга олинган видеоклип ҳам шулар жумласидандир. “Келақол” таронаси Элдор Қаюмов сўзи ва мусиқаси билан яратилган. Унга Ботир Алиев томонидан мусиқий безак берилган.

Бу композициянинг клипини Ислом Нуриллаев тасвирга олди. Бу клипда бир нечта эстрадамиз вакиллари иштирок этди. Отабек Муталхўжаев, Ягона, Талъат Юлдашев, Соҳибхон Муқимов ва Зара Шириноваларни мисол тариқасида келтиришимиз мумкин. Бу ҳали ҳаммаси эмас. Азиз Раметов яна бир янги клипни ҳам тасвирга тушириш ишларини бошлаб юборди.

Бу ҳақида албатта кейинги янгиликлармиизда батафсил маълумот бериб ўтамиз. Ҳозирча “Келақол” қўшиғи учун олинаётган клипни суратга тушириш майдончасида тақдим этилган фотосуратлардан баҳра олинг.