Шуҳрат Юлдашев видеоклип устида иш бошлади

Бир нечта қўшиқлари билан халқимиз ишончига кириб бораётган ва мухлислар қалбидан жой олишга улгурган хонанда Шуҳрат Юлдашев айни дамда янги видеоклип устида қизғин иш олиб бормоқда.

“Тарк этдинг” деб номланган тарона учун тасвирга олинаётган видео асар трек ва сюжет жанрида. Дилмурод Агзамов режиссёрлигида яратилаётган ушбу ижод маҳсулининг оператори Рустам Муродов. Унда бош ролни хонанданинг укаси, актёр Муҳаммад Али ижро этмоқда. Ҳозир суратга тушириш майдончасидан тақдим этилган фотосуратларни ҳукмингизга ҳавола қиламиз. Видеоклип эса тез кунда тақдим этилади.