Афруз гуруҳидан узоқ кутилган премьера "Ишонаман"

Истеъдодли ижодкорлардан ташкил топган Афруз гуруҳи мухлислари учун узоқ кутилган ижод намунасини тақдим этди. “Ишонаман” деб номланган мазкур композиция илк жарангидаёқ ўз мухлисларини топиб улгурди десак янглишмаймиз. Радиотўлқинлар орқали билдирилган ижобий фикрлар сўзимизнинг исботи бўла олади.

Шоира, бастакор ва хонанда Шаҳноз сўзи ва мусиқаси билан яратилган қўшиққа Жасур Абдураҳмонов мусиқий сайқал берган. Хонандаларнинг маъмури қолдирган маълумотларга қараганда, мазкур таронага видеоклип ҳам тасвирга олиш режалаштирилган. Ҳозирча мусиқий асардан баҳра олинг.