Ўзбек киносида янги фильм “Кўзмунчоғим”

Ўзбек киноси яна бир фильм билан бойиш арафасида. “Кўзмунчоғим” деб номланган мазкур картина Зара Ширинова режиссёрлигида тасвирга олинган.  Мелодрамма жанридаги бу фильмда Муҳаббатга содиқлик, оилага бўлган меҳр, фарзандга бўлган эътибор, дўстлик, хиёнат ва шубҳа-гумонлар оқибати атрофлича ёритиб берилган. 

 

Икки ой давомида суратга олинган картинада бир қатор актёр ва актрисалар ансамбли жалб этилган. Жумладан, Саида Раметова, Жумадилла Раметов, Муҳаммадисо Абдулҳайиров, Азиз Раметов, Рустам Риқсибеков, Зара Ширинова, Феруза Норматова, Юлдуз Ражабова, Севара Солиева ва бошқалар. Фильм продюсери Рустам Риқсибеков. Тез кунда катта экранларга чиқиши кутилаётган бу кино асар томошабинларни бефарқ қолдирмайди деб умид қиламиз.