Баҳром Назаровдан тез кунда янги видеоклип “Остона ҳатлаб”

Хушовоз хонанда Баҳром Назаров навбатдаги “Остона ҳатлаб” номли қўшиғига видеоклип суратга олдирди.  Фарҳод Бадалов ҳамда Ойбек Алиев режиссёрлигида тасвирга олинган мазкур клипда бош ролларни актриса Наргиза Салмонова ижро этган. 

Клип мухлисларни бефарқ қолдирмаслигига ва халқ орасида оммалашишига катта умид боғлаган хонанда юртимиз бўйлаб гастрол сафарларини ҳам бошлаб юборганини маълум қилди. Бу ҳақида албатта батафсил маълумотни кейинги янгиликларимиз орқали хабар берамиз. Ҳозир эса видеоклипнинг суратга олиш жараёнидан тақдим этилган фотосуратлардан баҳра олинг. Клип эса тез кунда сайтимиз орқали намойиш этилади.

Таронанинг муаллифларига тўхталадиган бўлсак, сўзи Мирзо Кенжа қаламига мансуб. Мусиқаси эса Нодир Умаров томонидан басталанган.