Зиёда янги таронасини тақдим этди

Ўзбекистонда хизмат кўрсатган артист Зиёда яна бир шўх таронаси билан мухлисларини хушнуд этди. “Тўй бола” деб номланган ушбу композиция халқимизга ўзгача кайфият бағишласа ажаб эмас. Бобур Умаров сўзи билан яратилган қўшиқнинг таронаси ва мусиқаси Фурқат Бобожоновга тегишли. Сўнгги кунларда Зиёда янги лойиҳалар устида изланиш олиб бормоқда. Буни хонанданинг репертуаридан жой олаётган қўшиқлардан ҳам билиш қийин эмас. Ўйлаймизки, ушбу композиция ҳам тингловчилар қалбидан чуқур жой эгаллайди. Марҳамат ўзингиз эшитиб, фикр-мулоҳазаларингизни билдиринг.