“Мен ўзимни топмасам...” номли мусиқий кеча бўлиб ўтди
Ўзбекистон Республикаси Маданият ва спорт ишлари вазирлиги, “Ўзбекнаво” эстрада бирлашмаси, Ёшлар маданият ва санъат маркази ҳамда “Дийдор” театр студияси томонидан 9-февраль куни Ёшлар ижод саройида Алишер Навоий таваллудининг 575 йиллиги муносабати билан “Мен ўзимни топмасам...” номли мусиқий кеча ўтказилди.
Мазкур кеча Ўзбекистон Республикаси Вазирлар Маҳкамасининг 2015 йил 9 январдаги “Соҳибқирон Амир Темур таваллудининг 680 йиллиги, Алишер Навоий таваллудининг 575 йиллиги ҳамда Ўзбекистон халқ артисти Мутал Бурхонов таваллудининг 100 йиллигини ўтказиш чора-тадбирлари тўғрисида”ги 7-сон йиғилиш баёни ижроси ҳамда Ёшлар маданият ва санъат марказининг 2016 йил учун мўлжалланган иш режаси таъминлаш шунингдек, Навоий ғазаллари ижросидаги куй ва қўшиқларни янада оммалаштириш, асраб-авайлаш ва ёш авлодга етказиш, Навоий шеърияти ихлосмандлари орасида тарғиб этиш ва оммалаштириш мақсадида ташкил этилди.
Алишер Навоий ижодини ўрганиш, унинг илмий тахлили бўйича сўнгги йилларда қатор таниқли санъаткорлар иш олиб бордилар ва бугунги кунда ҳам Навоийнинг ижоди “Дийдор” театр студиясини ҳам четлаб ўтгани йўқ. Улуғ мутафаккирнинг бой меросидан илҳомланган Баҳодир Йўлдошев раҳбарлигидаги “Дийдор” театр студияси томошабинлар учун саҳналаштирилган мусиқий кечани намойиш этдилар.
