“Олтин том” кинокартинасининг премьераси ҳақида батафсил

27-декабрь куни “Киночилар уйи”да “Олтин том” фильмининг намойиши бўлиб ўтди.  Тақдимотни Шуҳрат Нуралиев олиб борди. “Олтин том” картинаси  комедия жанрида тасвирга олинган бўлиб, унда бош ролларни Муҳаммадисо Абдулхайиров, Ҳосият Ҳусанова, Даврон Каримов, Зуҳра Солиева, Аҳрор Маҳмудов, Зиёда Иралиевалар ижро этишган. Бу кинокомедияда шунингдек, Шавлон Шодмонов, Шуҳрат Нуралиев, Улуғбек Ҳолиқжонов, Фарҳод Маъруфжонов, Фурқат Ғофуровларни ҳам кўришингиз мумкин.

 

Ушбу фильмда ака-укалар орасидаги меҳр-оқибат тасвирланади. Уларнинг ўртасидаги можароларга пул ва бойлик сабаб бўлиши кўрсатилган. Кутилмаганда келган бойлик ака-укаларнинг орасида низо келиб чиқишига ҳамда аслида ким қандай экани, бу ҳолатдан фақатгина тўғри қарор билан чиқиб кетиши томошабинни картина охиригача ушлаб туради.

“Олтин том” кинокартинасини 27-декабрьдан бошлаб “Киночилар уйи”да томоша қилишингиз мумкин. Биз эса фильм ижодкорларига омад тилаган ҳолда янги ижод маҳсулларини кутиб қоламиз.