Шахзода Муҳамедова дунё бўйлаб саёҳатга отланди

Айни дамда янги телелойиҳа учун бир нечта давлатлар узра саёҳат уюштирган серқирра ижодкор Шахзода Муҳамедова инстаграм ижтимоий тармоғи орқали қизиқарли маълумотларни етказишдан чарчамаяпти. Бу сафар учун олдиндан маълумотлар йиғиб, ўқиб-ўрганган актриса саёҳатни Чехия пойтахти Прага шаҳридан бошлаб юборди. Шахзода саёҳат давомида кўплаб фотосуратлар, видеолавҳаларни инстаграм ижтимоий тармоғи орқали кузатувчилари билан бўлишмоқда. Шунингдек, қизиқарли маълумотларни етказмоқда. Бу ҳали бошланиши. Ҳали олдинда яна бир нечта давлатларда бўлиб ўтадиган саёҳат кутмоқда. Демак, кузатишда давом этинг.

Эслатиб ўтамиз, 26-декабрь куни Шахзода Муҳамедова иштирокидаги "Қочқин" номли фильмнинг намойиши бўлиб ўтади.