Достон Убайдуллаев хордиқдан сўнг...

Куни кеча оиласи билан 10 кунлик хордиқдан қайтган Достон Убайдуллаев янги куч, янги туйғулар билан яна ижодхонасига қадам босди.

Ирода Қурбонова матни, Жасур Жавҳарназаров мусиқаси асосида яратилган янги қувончбаҳш тарона яқин кунларда барчани рақсга чорласа ажаб эмас. Мазкур қўшиққа клип ҳам суратга олинди. Клипмейкер Саъдулла Хикматов ўз маҳоратини ишга солиб, дилларга шодлик бағишловчи лаҳзаларни тасвирга туширди. Унда раққосаларнинг иқтидоридан, декорация кўркидан баҳраманд бўлишингиз мумкин.
Достон Убайдуллаев шўх таронадан сўнг муҳлисларини сокинлик сари чорлайди. Аниқроқ қилиб айтадиган бўлсак, хонанда “Сенга шайдоман” номли осуда таронани барчага туҳфа этмоқда. Матни ҳамда мусиқаси Иқбол Муҳаммад қаламига мансуб ушбу қўшиқ Наврўз байрамига ажойиб, ёқимли туҳфадир.