Достон Убайдуллаев ўйнатади, ўйлатади

Ижтимоий тармоқлар оламини илиқ нафаси билан тўлдириб турувчи Достон Убайдуллаев қўшиқлари дунёсини ҳам бойитиб бормоқда.

Хонанданинг иккита янги қўшиғи тайёр бўлай деб қолди. Бири шўх-шодон наволарга йўғрилган “Қизиқтирмас” номли тарона. Барчани рақсга чорловчи қўшиқнинг мусиқасини Жасур Жавҳарназаров, матнини Ирода Қурбонова яратган. Иккинчиси, ҳаёлларга толдирувчи сокин тарона бўлиб, унинг матнию мусиқаси Иқбол Муҳаммад қаламига мансуб. Янги йил арафасида Достон Убайдуллаевнинг икки совғаси қўшиқлар жавонингизга кўрк бағишласа ажаб эмас.