Dj Yamin навбатдаги видеоклипи устида ишламоқда

Қисқа муддат ичида шоу-бизнес оламига кириб келиб, мухлислар ишончига кирган Dj Yamin айни кунларда ижод уммонига шўнғиган. Кино соҳасида ҳам ўзини синаб кўраётгани, янги қўшиқлар, видеоклиплар устида тиним билмай ишлаётгани сўзимизнинг яққол мисолидир.

 

Бугунги кунда Dj Yamin яқиндагина сайтимиз орқали тақдим этган “Шошиламан” таронасига видеоклип суратга олдириш билан банд. Клипмейкер Наримон Султонҳўжаев режиссёрлигида тасвирга туширилаётган  бу клип Республикамизнинг тоғли туманларида, ботаника боғида, шунингдек катта ҳажмдаги сув ҳавзаларида суратга олинмоқда.

Тез кунда Dj Yamin ижросидаги “Шошиламан” композициясига ишланган клипни сайтимиз орқали биринчилар қаторида тинглаш ва ўз фикрларингизни билдириш имконига эга бўласиз.