Фаррух Раимовдан тез кунда янги тарона ва видеоклип

Яккахон хонанда сифатида ўз фаолиятини давом эттираётган истеъдодли хонанда Фаррух Раимов янги тарона ва видеоклиплар билан мухлислар кўнглидан тобора чуқур жой эгаллаш мақсадида тинмай ижод қилмоқда. Айни дамда Фаррух “Сенсизлик” деб номланган янги таронасини ёзиб тугаллади ва унга видеоклип  суратга олдиришга ҳам улгурди.

Нодир Азимов сўзи ва Иқбол Муҳамаджонов мусиқаси билан яратилган бу қўшиқнинг аранжировкасини Фурқат Бобожонов амалга оширган. “Сенсизлик” композициясига видеоклип Сарвар Исаев режиссёрлигида тасвирга олинган бўлиб, операторлик вазифасини Иззат Лутфуллаев бажарган.

Видеоклипни суратга олиш жараёнидан қизиқарли фоторепортажни тақдим этар экан, хонанда тез кунда янги тарона ва видеоклипни мухлислар эътиборига www.popcorn.uz сайти орқали ҳавола этишини маълум қилди. Шундай экан, Фаррух Раимовдан навбатдаги ижод маҳсулини кутиб қолинг ва бизни кузатишда давом этинг.