Адҳам Солиев “Севги” уммонида
Санъатимизнинг ўзига хос намоёндаси, маҳоратли хонанда Адҳам Солиев мухлисларини лол қилишда давом этмоқда. Яқиндагина “Онажон” деб номланган тарона ва унга ишланган видеомаҳсулотни мухлисларига тақдим этган эди. Айни дамда хонанда янги “Севги” деб номланган таронаси ва айнан шу ижод маҳсулига суратга олинган видеоклипни сайтимиз орқали тақдим этмоқда.
Халқ сўзи билан яратилган ҳазиломуз қўшиқнинг мусиқаси Илҳом Маматовга тегишли. Фариз Азизов режиссёрлигида суратга олинган клипга операторлик вазифасини Ҳусан бажарган. Трек ва сюжет жанрида тасвирга олинган видеомаҳсулот воқеалари ҳам таронага мос ва уни томоша қилган ҳар бир мухлиснинг кайфияти кўтарилади. Минг бор гапиргандан кўра бир бор томоша қилган афзал деганларидек, видеклипни ўзингиз томоша қилинг ва баҳо беринг!