Истеъдодли хонанда Фурқат Рўзматовдан навбатдаги ижод маҳсули

Сайтимиз орқали ёш хонанда Фурқат Рўзматовнинг бир нечта тарона ва видеоклиплари тақдим этилиб, кўпчиликнинг илиқ муносабатларига сазовор бўлганди. Хонанда ёш бўлишига қарамай, бир қатор қўшиқларининг мусиқасини ўзи басталайди. Бу эса унинг серқирра ижодкорлигидан далолат, десак муболаға бўлмайди. Сайтимизда бугун премьера тарзида ҳавола этилаётган янги видеоклип ҳам Фурқат Рўзматовнинг ўзи басталаган мусиқа асосида яратилган бўлиб, Муҳаммад Юсуф шеъридан фойдаланилган. Мурод Раҳматуллаев эса мусиқий сайқал берган. 

“Дунё” деб номланган тарона учун Хусан режиссёрлигида видеоклип тасвирга олинган. Юртимизнинг гўзал гўшалари, чиройли манзаралари, тарихий обидалари акс эттирилган  видеодан илк томошабин сифатида баҳраманд бўлинг.