Тез кунда “Отамга”... Нуриддин Ҳайдаровнинг ҳотирасига бағишланади
Бугунги кунда шоу бизнес оламида ўзининг ҳақиқий истеъдодини, санаътини муносиб намоён қила олаётган хонандалар қаторидаги ижодкор Хожиакбар Ҳайдаров яқиндагина сайтимиз орқали “Отамга” деб номланган қўшиғини премьера қилиб тез кунда мазкур тарона учун видеоклип тасвирга олинишини айтиб ўтганди. Ўзбекистон ҳалқ артисти Нуриддин Ҳайдаровнинг муносиб издоши бўлиш, отаси каби ҳалқнинг назарига, меҳрига сазовор бўлиш истагида изланаётган Хожиакбар мазкур таронани отасининг ҳотирасига бағишлади.
Мусиқаси Афзал Ҳусанов, Матни Микаил Афразга тегишли бўлган қўшиқ учун режиссёр Акром Шаҳназаров, оператор Жаҳонгир Ибрагимовлар томонидан клип тасвирга олинмоқда. Видеоклип ғояси хонанданинг ўзига тегишли бўлиб, унда падари бузруквори билан ўтган ширин хотиралари, қувончли онлари эсланади.
Ота ролини эса марҳум санъаткор Нуриддин Ҳайдаровнинг энг яқин шогирди Нурмуҳаммад Мирзаҳмедов ижро этган.
Айни дам клип жараёнларидан олинган фоторепортажни тақдим этмоқдамиз. Тез кунда эса сайтимиз орқали Хожиакбар Ҳайдаров ижросидаги “Отамга” таронасининг видеомаҳсулоти премьераси бўлади. Ўтказиб юборманг, кузатишда давом этинг.
