Азиз Ражабийдан кутилган видеоклип премьераси

Эстрадада ўз ўрнига эга, Ражабийлар сулоласининг давомчиси бўлмиш Азиз Ражабий томонидан янги видеоклип премьераси тақдим этилиши ҳақида анча аввал хабар бергандик. Мазкур клипнинг суратга олиш ишлари якунланганига бир ойдан ортиқ вақт ўтган бўлса-да, монтаж жараёнлари узоқ чўзилиб кетди. 

Бунинг ўзига хос сабаблари бўлиб, улар айнан монтаж мураккаблиги билан боғлиқ бўлмаган, шунчаки, клип ижодкорлари вақти билан боғлиқ вазиятлар туфайли орада бироз муддат вақт ўтди.

 

 

 

Аввало қўшиққа тўхталадиган бўлсак, "Бир- бир" таронасининг матни Нодир Азимов қаламига мансуб. Мусиқа муаллифи Фарруҳ Бадалбоев, аранжировка устаси эса Жасур Бадалбоевдир.

 

 

 

Клип режиссёри Санжар Маткаримов бўлиб, оператор ва бош роль ижрочиси Наримон Султонхўжаев. Уч кун давом этган тасвирга олиш жараёни айни совуқ кунларда олиб борилганди. Шундай бўлса-да, бутун жамоа ҳамжиҳатликда ишлашди.

 

 

 

Мана вақти соати етиб видеоклип тайёр ҳолга келтирилди ва премьера эътиборингизга ҳавола этилишига шай. Марҳамат уни томоша қилиб, ўзингиз баҳо беринг.