Зоирбек Ватанимизни мадҳ этади
Санъат оламида оз фурсат ичида танилиш ва мухлислар аудиториясига эга бўлиш ҳаммага ҳам насиб этавермайди. Аммо, ўз истеъдоди ва интилишлари билан кўзга кўриниб бораётган ёш хонандалар сони ортиб бормоқда.
Ана шундай умидли ижодкорлардан бири Зоирбек бугун ўз мухлисларига янги видеоклипини тақдим этмоқда. Ватанга бўлган муҳаббатни тараннум этувчи “Она юртим” номли композиция учун режиссёр Даврон Пўлатов ҳамда оператор Носир Бўрибеков билан биргаликда клип суратга олинди.
Мазкур таронанинг яратилишида хонанда Зоирбек шоир Камрон ҳамда бастакор Султон Нур билан ҳамкорлик қилди.
Трек йўналишида яратилган янги видеоклипдан қўшиқ мавзусига мос равишда юртимизнинг гўзал гўшалари тасвирланган кадрлар жой олган. Уни томоша қилар экансиз, Ватанга бўлган меҳрингиз ошади.
Марҳамат, томоша қилинг ва завқланинг!