Эстрадамизнинг ёрқин намоёндаси Манзуранинг концерт дастури олдидан матбуот анжумани
16 январь пойтахтимиздаги Мiran Internasional меҳмонхонасининг кичик мажлислар залида эстрадамизнинг ёрқин намоёндаси Манзуранинг концерт дастури олдидан матбуот анжумани бўлиб ўтди. Йиғилишга асосан оммавий ахборот воситалари ҳодимлари таклиф этилган бўлиб, таниқли газета ва сайтларда фаолият юритувчи журналистлар иштрок этишди.
Анжуманда Манзура билан бирга концерт ташкилотчиси, бош режиссёр Даврон Кабулов ҳамда иккинчи режиссёр ва хареограф вазифасини бажарувчи Наримон Григорьян оммавий ахборот воситалари ҳодимлари томонидан йўлланган саволларга жавоб беришди.
Ўн саккиз йилик ижод йўли, яратилган хит қўшиқлар, машҳур дуэтлар, қолаверса мухлислари қалбидан жой олган видеоклиплар ҳақида сўз бораркан, илк катта яккахон концерт дастурида нималар бўлиши ҳақида сирларни ошкор этилмаслигини алоҳида таъкидлаб ўтган Манзура, “Ҳаммаси концертда намоён бўлади, дастурга ташриф буюрганлар бизнинг меҳнатимизни гувоҳи бўлишади”, деди.
Журналистлар томонидан берилган, концертда жонли ижро кутиладими, каби саволларга хонанданинг аксарият қўшиқлари рақс билан ижро этилгани учун турли ҳаракатлар давомида овоз ўзгариши кузатилиши, бундан ташқари техник воситалар юқори даражада эмаслиги айтиб ўтилди ва концерт фонограмма асосида ўтказилиши маълум қилинди. Бироқ, йиғилиш давомида жонли ижро ҳақида билдирилган кўп фикрлар инобатга олиниб, режиссёр Даврон Кабулов “Аслида, жонли ижрода беш-олтита қўшиқни куйлайман, деганида Манзурага мен қаршилик билдиргандим. Сабаби, биринчи катта концерт бўлгани учун уни ҳеч қандай камчиликларсиз ўтказиб, келган томошабинлар ташқаридаги бутун иш ва ташвишларини унутиб томоша қилишларини истагандик. Агар мухлислари жонли ижрода қўшиқ куйлашини кутишаётган бўлса, балки сокин оҳангдаги бирор таронани жонли тарзда ижро этар, бу ҳақда ўйлаб кўрамиз”, деди.
Матбуот анжуманидан фарқли равишда дўстона ижодий суҳбат тарзида ўтган йиғилиш қизғин савол- жавоблар билан давом этди. Концертда Манзуранинг имиджи устида доимий ҳамкори таниқли дизайнер Ҳилола Шер ишлаши ва бу ижодкор ўз ишининг устаси эканини айтиб ўтилди.
Концерт олдидан янги альбомини мухлисларига тақдим этган Манзура бугун сайтимиз орқали ўзининг энг янги “Борсан” номли таронасига ишланган видеоклипини тақдим этиш истагида. Марҳамат томоша қилинг.