Улуғбек Раҳматуллаев кузги ёмғир остида...
Яқиндагина ўзининг яккахон концерт дастурини аъло даражада ўтказган Улуғбек Раҳматуллаев бугун яна мухлисларини хушнуд этиш ниятида.
Бир неча кун аввал тақдим этилган “Тошкентда ёмғир ёғар” таронаси учун суратга олинган видеоклип тайёр ҳолга келиб, бугун сайтимиз орқали эксклюзив равишда эътиборингизга ҳавола этилмоқда. Алишер Таир қаламига мансуб матн асосида яратилган куйнинг аранжировкаси устида Жасур Бадалбоев ишлаган. Видеоклипни эса маҳоратли клипмейкерлардан бири Санжар Маткаримов суратга олган.
Юқори сифатдаги видеонинг таъсирчан лавҳалари ҳар бир мухлиснинг кўнглига ёрқин хотираларни ёдга солса ажаб эмас. Бу сафар Улуғбек Раҳматуллаев клипда бош қаҳрамон ролида намоён бўлмаган бўлса-да, бироқ асосий ҳал қилувчи образни акс эттиргани таҳсинга лойиқ.
Севара Солиеванинг актрисалик маҳорати ҳам клипнинг таъсирчан ва сермазмун яралишига ўз ҳиссасини қўшган. Актёрларни танлашда ижодкорлар адашишмаганлигига ўзингиз ҳам амин бўласиз.
Ёмғир остидаги романтик кайфият улашувчи клипни сайтимиз орқали қарши олинг!