Сардор Раҳимхондан видеопремьера – “Отамдан ёдгорим онам”

Ўзбекистонда хизмат кўрсатган артист Сардор Раҳимхон, яқиндагина намойиш этилган ва энг таъсирли тарона деб таъриф берилаётган “Отамдан ёдгорим онам” деб номланган қўшиғига видеоклип тасвирга олдиргани ҳақида маълум қилган эдик. Бугун ушбу клип тайёр бўлди ва сайтимиз орқали омма эътиборига ҳавола қилинмоқда.

 

Аслида бу қўшиқ илк жарангидаёқ ўз мухлисларини топиб, мухлислар қалбига яқин бўлган қўшиқлар қаторидан жой олиб улгурган. Клипидан сўнг эса янада халқимиз орасида оммалашиши шубҳасиз.

 

Мазкур тарона учун суратга олинган видеоклип актёр Алишер Узоқов режиссёрлигида  яратилган. Алишер Узоқов мазкур клипнинг фақатгина режиссёри бўлибгина қолмай, бош ролни ҳам ўзи ижро этган. Клипнинг сценарий муаллифи ҳам айнан Алишер Узоқовдир.

Аслида бу қўшиқ актёрни жудаям таъсирлантирган ва кўнглига яқин олган қўшиқларидан бирига айланган. Шу сабабли унинг ўзи бу композициянинг клипига режиссёрлик қилган. Тасвирчи Рустам Муродов. Видеоклипни тасвирга тушириш ишлари 2 кун давом этган.