Уммон гуруҳининг концерт олди тайёргарликлари ҳақида
Маълумки, ёшларнинг севимли гуруҳи бўлган Уммон гуруҳи 1, 2-июнь кунлари “Истиқлол” санъат саройида ўзининг “Ҳаммамиз бирга” номли яккахон концерт дастурини тақдим этади. Икки кун мобайнида барчага яхши кайфият улашишни ният қилган гуруҳ вакиллари айни дамда концертга катта тайёргарлик кўрмоқда. Бу йил ҳам улар янги қўшиқ ва кутилмаган туҳфаларини ажойиб рақслар билан ҳам бойитишади.
Куни кеча биз айнан рақс ҳаракатлари устида олиб борилаётган машқлар жараёнига ташриф буюрдик. Тайёргарлик жараёни авжида. Улар бу йил концертда ўз маҳоратларини намоён этиб мухлисларини лол қолдириши шубҳасиз. Уммон гуруҳининг концерт дастурига омад тилаймиз. Дастур ҳақида барча маълумотларни фақат бизда биринчилардан бўлиб билиб олиш имконига эга бўласиз. Шундай экан, бизни кузатишда давом этинг.
