Жасур Ғоипов таваллуд кунида мухлисларга совға улашди
Янгидан-янги қўшиқлар кетма-кетлигини тақдим этишдан чарчамайдиган Жасур Ғоипов учун бугун ўзгача кун. Бугун ёшларнинг севимли хонандасига айланишга улгурган ижодкорнинг таваллуд кунидир.
Аввало, сайтимиз жамоаси номидан Жасур Ғоиповни туғилган кун билан муборакбод этган ҳолда, хонандага ижодий ютуқлар тилаб қоламиз. Хонанда яқиндагина ижодидаги янги таронани тақдим этиб, ҳали оммалашиб улгурмасдан бугун яна бир туҳфа билан ўз таваллуд кунида мухлисларини хушнуд этмоқда.
"Соғинаман" дея аталган қўшиқ "Ўзбегим Таронаси" радиоси орқали илк бора жаранг сочди. Бу таронани ёзишда Жасур Ғоипов истеъдодли ижодкор Бобур Умаров билан ҳамкорлик қилган. Сокин йўналишдаги ижод намунаси ФМ 101.00 тингловчиларига бугунги туманли об-ҳаво шароитида янада романтик кайфият баҳш этган бўлса, ажаб эмас.
Жасур Ғоипов ижросидаги "Соғинаман" таронасини сайтимиз орқали тинглаб, баҳо беришингиз мумкин.