Музаффар Мирзараҳимовдан “Лолажон” таъсирчан воқеани ўзида жамлаган клип

Ёш бўлса-да, санъатга бўлган иштиёқи баланд, истеъдодли хонанда Музаффар Мирзараҳимовдан янги видеоклип премьерасини қарши олинг. Ўз йўналиши ва ёқимли овозига эга бу ижодкорнинг кўпчиликка таниш “Алам-алам”, “Таржимон” каби тароналари мухлислари қалбидан жой олиб улгурган. Навбатдаги видеомаҳсулот Музаффарнинг “Лолажон” номли қўшиғи учун тасвирга олинди.

 

 

 

Доимий ижодий ҳамкорлари, таниқли ва профессионал ижодкорлар Рустам Муродов ҳамда Мирмақсуд Оҳуновлар билан маслаҳатлашган ҳолда клип ғоясини ўйлаб тасвирга олиш ишларини бошлаб юборган хонанда, уларнинг маҳоратига ишонди. Ва албатта бу ишонч ўз натижасини кўрсатди, дея бугун бемалол айта оламиз. Тингловчилар қалбидан ўрин олган маюс оҳангдаги тарона учун видеоклип сюжет тарзида, шаҳар четидаги дала ҳовлилардан бирида тасвирга олинди.

 

 

 

 

Музаффар Мирзараҳимов ижросидаги “Лолажон” таронаси учун яратилган, ўта таъсирчан воқеани ўзида жамлаган клипни биринчилардан бўлиб эътиборингизга ҳавола этамиз.