Шоҳруҳхон концерт олдидан кутилмаган туҳфалар тақдим этмоқда
Февраль ойида 3 кунлик концерт дастурини тақдим этишни режалаштирган хонанда айни пайтда тиним билмай ижод қилмоқда. Кетма-кет яратилаётган янги қўшиқлар эса тезда мухлислар кўнглидан жой олаётгани хонанданиг ютуғи.
Бугун тақдим этилган қўшиқ бир неча йиллар аввал яратилиб, хит даражасига кўтарилишга улгурган тарона бўлиб, Шоҳруҳхон томонидан ўз йўналишида қайта куйланди.
Марҳум устоз санъаткор Муҳриддин Ҳолиқовнинг машҳур "Комила қиз" қўшиғи яна жонланди. Устоз санъаткорга ҳавас ила қараб, унинг изидан боришни мақсад қилган Шоҳруҳхон қўшиқни асл ҳолича сақлади. Фақат янгитдан мусиқий сайқал бериб, бироз замонавийлик нафасини киритди.
Жасур Бадалбоев билан ҳамкорликда ёзилган қўшиқда реп жанри ҳам қўшилган бўлиб, реп қисми Феруз томонидан ўқилган. Бу эса қизиқишингизга сабаб бўлиши аниқ. Таронани тинглаб, баҳо беришингизни тавсия этамиз.
Шоҳруҳхон мухлислари учун яна бир янгилик. Хозиргина бизга хонанданинг энг сўнгги фотосессияси етиб келди. Эксклюзив фотосуратларни сизга ҳам тақдим этишни лозим топдик.
