Дилдора Ниёзова "Фарзандимга"

Халқимиз севган санъаткор Дилдора Ниёзова янги клипи билан мухлисларини қалбини яна бир карра ларзага солди. "Фарзандимга" номли қўшиғи учун ишланган клип трек ва сюжет услубида бўлиб, жуда ҳам таъсирли, ибратли, такрорланмас воқеиликни ўз ичига олганлиги ва тарбиявий аҳамиятининг юқори даражадалиги билан ажралиб туради. Болалар уйида фаолият олиб борадиган аёл билан боғлиқ бўлган воқеалар ривожи кишини беэътибор қолдирмайди. Клипдаги Раъно Шодиеванинг қисқа кўриниши ҳам видео асарнинг катта ютуғи дейиш мумкин. Ҳа айтганча, клип режиссёри Рустам Сагдиев. Бу ижодкорнинг фильмлари каби, тасвирга олган клипи ҳам омадли ижод намуналаридан бири бўлиши тайин.