Улуғбек Раҳматуллаевдан русийзабон мухлисларига туҳфа

Ўзбекистонда хизмат кўрсатган артист Улуғбек Раҳматуллаев яқиндагина "Мен сени севаман" номли қўшиғи ва унга ишланган видеоклипини тақдим қилиб, халқимизни хушнуд қилган эди. Хонанданинг мазкур ижод маҳсули мухлисларини ўзига ром қилгани сир эмас. Қўшиқнинг тингловчилари орасида  бошқа миллат вакиллари ҳам йўқ эмас. Бундан илҳомланган Улуғбек Раҳматуллаев русийзабон мухлислари учун композициянинг рус тилидаги талқинини ҳам армуғон қилди. Тарона "Я тебя люблю" деб номланади. Умид қиламизки, мусиқий асарн нг янги талқини ҳам асли каби барчанинг қалбидан ўрин эгаллайди.