Райҳон шоу 2018! Концерт бошланди!

Маълумки, Ўзбекистонда хизмат кўрсатган артист Райҳон ўзининг навбатдаги шоу дастурига катта тайёргарлик олиб бораётган эди. 19 февраль куни ушбу концертга старт берилди. 5 кун мобайнида "Истиқлол" санъaт саройида ўз мухлисларини хурсанд қилишни ният қилган хонанда концертининг илк куни файзли ўтди. Дастур давомида у олти хил образда намоён бўлди. Концертда янги қўшиқлар билан бирга, репертуаридаги сара тароналар, дуэтлар ижро этилди. Унинг рақcлари ҳар йилгидек, мухлисларини мафтун қилди. Концертда Райҳон Фаррух Зокиров, Зиёда, Равшан Намозов, Жаҳонгир Позилжонов билан дуэт куйлади. Зулайҳо Бойхонова билан бирга куйлаган қўшиққа эса миллий рақсни маромига етказиб ижро қилди.
Эслатиб ўтамиз, 19 февраль куни бошланган концерт 23 февраль куни якунланади.