Гулсанам Мамазоитовадан "Жафо қилурсан"
Ўзбекистон халқ артисти Гулсанам Мамазоитова сўнгги кунларда репертаридан кетма кет ўрин олаётган қўшиқларни премьера қилиб, мухлисларини қувонтирмоқда. Яқиндагина янги видеоклиплар билан бирга дуэт тарона ҳам ёзиб халқимизга армуғон қилган хонанда, бугун навбатдаги ижод намунасини тақдим қилди. "Жафо қилурсан" деб номланган бу қўшиқ Огаҳий ғазали ва Комилжон Отаниёзов мусиқаси билан бир неча йиллар олдин яратилган. Устоз Комилжон Отаниёзов ижодларига мансуб бўлган қўшиқни Гулсанам Мамазоитова қайта куйлади ва халқимизга туҳфа қилди. Жорий йилда устоз санъаткорнинг 100 йиллик юбилей ва хотира кечалари кенг нишонланди. Мазкур композицияни ҳам хонанда Комилжон Отаниёзовнинг хотираларига бағишлаб ижро қилди. Маълумотларга қараганда, Гулсанам Мамазоитова мазкур тарона учун видеоклип суратга олишни режалаштирган ва тез кунда тасвирга тушириш ишлари бошлаб юборилади.