Хонанда Манзура янги альбом ҳамда видеоклиплари тақдимотини ўтказди
15-январь куни пойтахтимизда жойлашган шинам масканлардан бирида жозибали хонанда Манзура янги альбом ҳамда видеолклиплари тақдимотини ўтказди. Тадбирда хонанданинг яқинлари, оила аъзолари, дўстлари, ҳамкасблари ва ОАВ вакиллари иштирок этишди. Тақдимотни бошловчи Дилмурод Ғуломов олиб борди. “Тингла фарёдим” деб номланган алъбом тақдимоти юқори кайфиятда бўлиб ўтди.
Мазкур тадбир доирасида ўтказилган клип премьерасидан сўнг барча меҳмонлар Манзуранинг маҳоратига тасаннолар айтишди.
Қолаверса, ташриф буюрган барча иштирокларни хонанда ўз қўшиқлари билан миннатдорчилик билдирди. Ўзбекистонда хизмат кўрсатган артист Улуғбек Раҳматуллаев, Мавлуда Асалхўжаева, Муниса Ризаева, Зоҳиршоҳ Жўраев, Муқаддас Саъдуллаева, Ирода Дилроз, Шаҳло Темирова ва бошқа санъат вакилларининг ташрифи кечага янада файз олиб кирди.
Биз ҳам хонандани “Тингла фарёдим” номли альбом тақдимоти ҳамда иккита клип премьераси билан қутлаб қоламиз.
