“Ўзбегим Таронаси” радиосида кетма-кет премьералар

Аслида моҳир барабан устаси бўлган Mr. Akrom нозик ҳилқат вакилаларимиз учун махсус қўшиқ куйлади. “Дар небес” номли рус тилида куйланган тарона бугун “Ўзбегим Таронаси” радиосида илк бора жаранг сочди. 

Аёлларимиз, қизларимиз мадҳ этилган тарона яратиш ғояси шахсан Mr. Akromнинг ўзига тегишли. Сабаби ўзининг айтишича, ҳаёт аёллар билан гўзал, аёллар билан кўркам... Янги ижод намунаси матни Руслан Давлатовга тегишли. Аранжировка эса Жасур Жавҳиназаров томонидан тайёрланган. 

4 кун ичида тайёрланган қўшиққа тез кунларда видеоклип ҳам суратга олинади. Айни вақтда Муҳаммадали Искандаров клип ғояси устида иш олиб бормоқда. Клип сценарийси ҳали тайёр ҳолга келмаган бўлса-да, бироқ видео гўзал тасвирларга бой бўлиши ваъда қилинди. 

Келажакда эса Mr. Akrom улкан режалари борлигини ҳам маълум қилди. У яратган қўшиқлар тингловчиларга фақат қувонч келтиришини ният қилган ижодкорга муваффақиятлар тилаймиз!