Ёш дизайнерлар танловининг ғолибларини аниқлаш ҳамда уларни тақдирлаш маросими бўлиб ўтди
Куни кеча ёш дизайнерлар танловининг сўнгги босқичи ҳамда ғолибларни тақдирлаш маросими бўлиб ўтди. Мазкур танлов кўнгилдагидек нишонланди десак муболаға бўлмайди.
Тадбир пойтахтимизда жойлашган кўркам масканларидан бирида ўтказилди. Унда иштирокчилар, дизайнерлар, санъат олами вакиллари, танлов ҳамкорлари ва ҳомийлари иштирок этишди.
Аввал маълум қилганимиздек, 11 нафар иштирокчи танловнинг финал босқичига ўтган. Танлов шартига кўра, улар ўзлари танлаган эскиз асосида либос яратишлари лозим эди. Улар куни кеча бўлиб ўтган тадбирда ўзлари яратган либослар билан иштирок этишди.
Маросимни бошловчи Дмитрий Филиппов олиб борди. Аввалига танловда иштирок этаётган ёш дизайнерларнинг либослари навбати билан намойиш этилди. Сўнг ташриф буюрган меҳмонлар билан бирга улар орасида биттаси саралаб олинди. Сўнг бирма бир иштироклар, ташкилотчилар билан бирга саҳнага таклиф қилинди. Ҳар бир иштирокчини ҳакамлар ҳайъати баҳолаб боришди. 11 та иштирокчи орасида 3 нафари бир хил бал тўплашди. Уларни яна қайта баҳолаш кўплаб бахс ва мулоҳазаларга сабаб бўлди. Охири ғолиблар аниқланди. Уларга қимматбаҳо эсдалик совғалари топширилди. Шунингдек, барча иштирокчиларга ташкилотчилар ўзларининг қимматбаҳо совғаларини тақдим этишди. Ўтказилган мазкур танловнинг сўнгги босқичи ва ғолиблари ҳақида тўлиқ маълумотни яқин соатларда тақдим этамиз. Ҳозирча фоторепортажни томоша қилинг.
Мазкур танлов, “Latienda” Ўзбекистонда ишлаб чиқарилган сифатли текстиль маҳсулотларини сотувчи тўлиқ функцияли интернет-дўкони томонидан ташкил этилган бўлиб, ёш дизайнерларни қўллаб-қувватлаш, ишлаб чиқариш учун йўл топишда кўмаклашиш, юртимизда уларни шакллантириш, замонавий сифатли либосларни ишлаб чиқаришда ёрдам беради.
