“Тоштабиб” фильмининг намойиши бўлиб ўтди
22-апрель куни Жавлон Шодмонов режиссёрлигида тасвирга туширилган “Тоштабиб” картинасининг намойиши бўлиб ўтди. Фильм премьераси ҳар доимгидек бадиий қисм билан бошланди. Тақдимот маросимини режиссёр ва актёр Шуҳрат Нуралиев олиб борди. Аввалига томошабинлар учун Мароканд гуруҳи ўзининг “Тарнов” қўшиғини ижро этиб берди.
Сўнг ижодий жамоа саҳнага таклиф этилиб, бирма-бир таништирилди. Шундан сўнг картина намойиши бошланди. Унда соҳта табибчилик билан шуғулланиш оқибатлари, қайнона ва келин муносабатлари, ёлғоннинг охири ҳеч қачон яхшилик билан тугамаслиги атрофлича кўрсатиб берилган. Реал ҳаётдаги воқеалар комедия жанрида кулгу билан томошабинларга етказиб берилган. Фильм ижодкорларига омад тилаймиз ва янги ижод маҳсулларни кутиб қоламиз.
