Инстаграмда нима гап?

Кундан кунга оммалашиб, барчани диққатини ўзига тортган инстаграм ижтимоий тармоғида хабарлар жиддат билан янгиланмоқда. Ҳар лаҳзада кутилмаган янгиликлар тармоқ фойдаланувчиларини лол қолдирмоқда. Бугун анъанамизга мувофиқ мазкур ижтимоий тармоқдаги энг кўп муҳокамаларга сабаб  бўлаётган бир қатор янгиликларни тақдим этамиз. Шоу-бизнес олами вакиллари билан мухлислар ўртасида мустаҳкам кўприкка айланган инстаграм ижтимой тармоғида нима гап?  Демак, шу кеча кундузда

Дилсўз романтик тарона куйлади

2015-йил ҳар жиҳатдан омадли келган ва кўплаб янгиликларга бой бўлган хонанда Дилсўз янги йилни романтик тарона билан бошлашга аҳд қилди. У тез кунда мухлисларини янги “Айтгин” деб номланган композиция билан хушнуд этиш арафасида. Бу ҳақида у инстаграм ижтимоий тармоғи орқали маълум қилди. Демак, тез кунда Дилсўздан романтикага бой ижод маҳсулини кутиб қолинг.

Шохруҳхон ва Шуҳрат Йўлдошевдан кутилмаган клип

Қизларнинг ёқимтойи Шоҳруҳхон яқиндагина Шуҳрат Йўлдошев билан бирга куйлаган  “Қизгина” деб номланган қўшиғини  радиотўлқинлар орқали тингловчиларга тақдим этган эди. Мухлисларга илк жарангидаёқ хуш келган ушбу мусиқий асарга айни дамда видеоклип яратиш устида тайёргарлик ишлари олиб борилмоқда. Бу ҳақида хонанда Шоҳруҳхон инстаграм ижтимоий тармоғи орқали маълум қилди. “Шуҳрат Йўлдошев билан айтилган дуэтимизга тез орада янги клипни кутиб олинг. Қўшиқнинг номи “Қизгина” эшитиб кўринг”.

Зарина Низомутдинова янги фильмда!

Кино оламининг порлоқ актрисаси, серқирра ижодкор Зарина Низомутдинова янги фильмда суратга тушмоқда. Ишчи номи “Қизлар” бўлган бу картина ҳақида тез кунда батафсил сайтимиз орқали маълумот бериб ўтамиз.