Саиданинг "Читти гул"ини қарши олинг

Эстрадамизнинг хушовоз хонандаси Саида сўнгги кунларда қизғин ижод уммонига шўнғиган. Хонанда мухлисларини хушнуд этиш мақсадида янги ғоялар, тарона ва клиплар устида иш олиб бормоқда. Ҳозирда бир нечта қўшиқлар деярли тайёр. Бугун “Ўзбегим Таронаси” радиосининг премьера лойиҳаси орқали тақдим этилган “Читти гул” қўшиғи ҳам ана шу янги ижод маҳсулари жумласидандир. 

Тингловчилар томонидан илиқ қарши олинган мазкур мусиқий асарнинг сўзи ва мусиқаси Шаҳзод назар қаламига мансуб.  Аранжировкаси Жасур Бадалбоев томонидан амалга оширилган. Бугун Саиданинг нафақат янги қўшиғидан, балки, навбатдаги ёрқин фотосессиясидан ҳам баҳраманд бўлишингиз мумкин.  Суратлар Александра Канаки томонидан тасвирга туширилган. Мазкур образларни яратишда  хонанда Лидиа Андре билан ҳамкорлик қилган.