Улуғбек Раҳматуллаевнинг яккахон концерт дастури чипталари тугади
Эстрадамизнинг ёрқин намоёндаларидан бири Улуғбек Раҳматуллаевнинг яккахон концерт дастурига ҳар йили чипта муддатидан анча олдин сотиб бўлинади ва мухлислар учун муаммога айланади. Бу эса хонанданинг самарали ижод қилиб, халқимиз қалбидан жой эгаллаб, улар ишончини оқлаб келаётганидан дарак беради. Жорий йилда ҳам унинг концерти чипталари тўлиқ сотиб бўлинди. Бу ҳақида Улуғбек Раҳматуллаев инстаграм ижтимоий тармоғидаги расмий саҳифасида эълон қилди. Бир неча йилдан буён унинг концерти чипталари дастур олди муаммога айланиб келаётганидан хабардор бўлганлар ўз ҳаракатини қилиб, чипталик бўлишди. Чипта сотиб олишга улгурмаган мухлислар эса кейинги йилни кутишига тўғри келади.
Биз эса Улуғбек Раҳматуллаевнинг концерт дастурига омад тилаймиз. Ҳар доим халқимиз ардоғидаги хонанда бўлиб қолишларига тилакдошмиз.