Фаррух Раимовдан янги тарона премьераси «Сенсизлик»
Истеъдодли хонанда Фаррух Раимов мухлисларини хурсанд қилиш мақсадида қизғин ижод уммонига шўнғиган. Яқиндагина хонанданинг янги тарона ва видеоклип устида иш олиб бораётгани ҳақида хабар берган эдик.
Фаррух Раимов бугун “Ўзбегим таронаси” радиосининг премьера лойиҳаси орқали янги “Сенсизлик” деб номланган композицияси жаранг сочди. Тингловчилар томонидан илиқ кутиб олинган мазкур тарона Нодир Азимов сўзи ва Иқбол Муҳамаджонов мусиқаси билан яратилган. Мусиқий асарнинг аранжировкасини Фурқат Бобожонов амалга оширган. Айни дамда монтаж ишлари олиб борилаётган “Сенсизлик” композициясига яратилаётган видеоклип Сарвар Исаев режиссёрлигида тасвирга олинган бўлиб, операторлик вазифасини Иззат Лутфуллаев бажарган. Тез кунда ушбу видеоклипдан фақатгина www.popcorn.uz орқали баҳраманд бўлишингиз мумкин. Ҳозир эса сиз Фаррух Раимов ижросидаги “Сенсизлик” қўшиғини сайтимиз орқали тинглаш имконига эгасиз. Марҳамат тингланг ва ўз фикр-мулоҳазаларингизни билдиринг.