Беном гуруҳидан премьера

Ва ниҳоят, "БЕНОМ" гуруҳи янги қўшиқларни тақдим этишни бошлади. Концерт сафарлари сабабли янги тароналарни студияда ёзиш жараёнига вақт етмаган эди. Мана энди Сарвар ва Комил ижодни давом эттириб, янги қўшиқларни ўз мухлисларига тақдим қилишга маҳкам бел боғлашди ва куни кеча "ЙОМҒИРЛAР" деб номланган қўшиқ билан премьераларга старт беришди. Илк жарангидаёқ аъло даражада қарши олинган қўшиқ муаллифлари, доимгидек "БЕНОМ" гуруҳи ижодкорлари. Умид қиламизки, бу тарона сизнинг мобил телефонингиз, автомобилингиз, компютерингиз, бир сўз билан айтганда, фонотекангиз плейлистидан муносиб жой эгаллайди. Қўшиқ ҳақида фикрларингизни ижтимоий тармоқлар орқали билдиришингиз мумкин.