Муҳаммадисо Абдулхайиров кўпроқ комедик ролларни ижро этиш сабабини очиқлади

Маҳоратли актёр Муҳаммадисо Абдулхайиров узоқ йиллардан буён кино ихлосмандларининг меҳрини қозониб, олқишларга сазовор бўлиб келмоқда. Актёрнинг суратга тушган аксарият фильмлари комедия жанрдаги фильмлар. Кўпроқ шу жанрдаги кино қаҳрамонларини гавдалантирган. Бу эса табиийки, мухлисларининг қизиқишига ва ўз-ўзидан “Нима учун фақатгина комедия киноларда ўйнайсиз” деган мурожаатларнинг келиб тушишига сабаб бўлади. Актёр куни кеча шу каби саволларга жавоб берди. “Мен айнан комедия ёки драмма деб танлаб ўйнамайман. Кўпроқ комедик ролларга таклиф қилишгани учун, кўпроқ шу йўналишда ўйнайман. Жиддий ролларни таклиф қилишса жиддий қаҳрамонларни ўйнайман” – деди Муҳаммадисо Абдулхайиров. Бу жавобдан сўнг, кинорежиссёрлар томонидан жиддий роллар таклифи билдирилса ажаб эмас.