Али Отажонов янги клип суратга олди

Серқирра ижодкор Али Отажонов ҳам мухлисларини қувонтириш истагида янги лойиҳага қўл урди. Унинг тайёрлаётган туҳфаси тез кунда бўлиб ўтадиган янги видеоклип премьерасидир. Хонанда навбатдаги клипини суратга олишда иқтидорли клипмейкер Суннат Намозов билан ҳамкорлик қилди. Тасвирчи Иззат Лутфуллаев. Режиссёр Суннат Намозовнинг берган маълумотларига қараганда съёмка жараёнлари икки кун давом этган. Об-ҳаво жудаям совуқ бўлишига қарамай, тасвирга олиш ишлари қизиқарли ва кўнгилдагидек ўтган. Унда бош ролларни Али Отажонов билан бирга Ситора Алимжонова, Муяссар Бердиқулова ижро этишган. Трек ва сюжетдан иборат бўлган видео асар томошабинларни бефарқ қолдирмаслиги тайин. Демак, Али Отажоновдан янги ижод маҳсулларини кутиб қоламиз.