Зиёда мухлислари учун узоқ кутилган туҳфа тақдим этади

Кўпчиликнинг севимли хонандаси ҳисобланган ва юртимизнинг юксак мукофотларидан бири “Эътироф 2013” ғолиби Зиёда мухлислари учун бир қатор янгиликлар тайёрлаган. 

31-октябрдан 2-ноябргача, яъни 3 кун мобайнида Зиёда мухлисалри севимли хонандаларининг навбатдаги яккахон концерт дастуридан баҳраманд бўлишлари мумкин.

Айнан 31-октябрь, 1-2-ноябрь саналарида “Истиқлол” санъат саройида Зиёданинг “Севади ёрим” номли концерти ташкил этилади. 

Хонанданинг бизга маълум қилишича, бу йилги концерт аввалгиларидан мутлақо фарқ қилиб, катта шоу тарзида ўтказилади. Ҳар бир чиқиш учун рақс дасталарининг саҳна кўриниши ташкил этилиши мўлжалланган. 

Албатта концертда мухлислар учун кутилмаган совғалар сони чексиз бўлиши ваъда қилинди. Янги қўшиқлар, саҳна кўринишлари ҳар бир меҳмонга хуш кайфият баҳш эта олади. Концертда жонли ижродан ҳам баҳраманд бўлиш учун фурсат топилади.