Улуғбек Раҳматуллаевдан минифильм премьераси

Ўзбекистонда хизмат кўрсатган артист Улуғбек Раҳматуллаев ноябрь ойида бўлиб ўтадиган концерти учун янги қўшиқлар тайёрлаш билан банд бўлган бир пайтда, халқимизни янги ижод маҳсуллари билан ҳам хурсанд қилиб, уларнинг кўнглини олмоқда. Унинг сўнгги барчага бирдек ёққан "Билмади" таронаси ва куни кеча намойиш қилинган видеоклипи бунинг яққол исботи бўлса ажаб эмас. Улуғбек Раҳматуллаевнинг навбатдаги видоклипини клип эмас, мини фильм дейиш мумкин. Унда машхур актёрнингяхши ва ёмон кунларида атрофида бўлиб ўтадиган воқеалар, яқинларининг муносабати атрофлича кўрсатиб берилган. Видеоклип клипмейкер Дилмурод Агзамов томонидан суратга олинган. Бош ролларни Йигитали Мамажонов, Талъат Йўлдошев, Бекзод Абдумуҳитов ва Мариям ижро қилган.