Шоҳруҳхон янги видео тайёрламоқда
Деярли барча қўшиқлари хитга айланган хонанда Шоҳруҳхон мухлислари учун янги видео тайёрламоқда.
“Қўғирчоқ” таронасига видеоклип суратга олинаётгани ҳақида маълум қилгандик. Шу кунларда мазкур таронага клип тасвирга олиш ишлари якунига етди.
Тошкент шаҳри ва шаҳар ташқарисидаги бир қатор масканларда олиб борилган суратга олиш жараёнидан олинган фотосуратлар сайтимиз орқали эътиборингизга ҳавола этилади.
Клип ғояси ва сценарийси муаллифи Жамшид Хожиниёзовнинг айтишича, клип сюжети реал ҳаётдан олинган. 
Бугунги кунда кўпчилик дуч келаётган вазият тасвирланган видеоклип Ёдгор Носиров операторлиги остида суратга олинди.
Клипнинг асосий ғояси сир сақланаётган бўлса-да, бироқ видео 7 ёшдан 70 ёшгача бўлган барча томошабинларга маъқул келишига умид қилишмоқда.
Клип аслида қўшиқ сўзларига мос тарзда тайёрланмоқда. Тез кунларда янги клипдан баҳраманд бўласиз.
