"Шарқ" вокал чолғу ансамбли ижодидаги рус тилида куйланган тарона премьераси
"Шарқ" вокал чолғу ансамбли ўзининг халққа яқин мавзулардаги тароналари орқали кўпчиликнинг эътирофига сазовор бўлган. Гуруҳ ижодида яратилган яна бир янги тарона куни кеча "Ўзбегим Таронаси" радиоси орқали илк марта жаранг сочди.
"Бухара" дея ном олган рус тилидаги тарона ФМ 101.00 тўлқинининг рус эфирида премьера қилинди.
Миллий руҳда тайёрланган қўшиқ тингловчиларга яхши кайфият баҳш этиб, маъқул келгани уларнинг фикрларидан маълум бўлди.
Ушбу таронани сиз ҳам тинглаб, унга муносиб баҳо беришингиз мумкин. Таронани тинглагач, ўз фикрларингизни қолдиришни ҳам унутманг!
"Шарқ" вокал чолғу ансамбли халқимизнинг яхши кунлари, яъни тўйларида, турли маросимларида ўзларининг ижод намуналари билан мухлислар дилини хушнуд этиб келишмоқда. Гуруҳ ижодкорларига муваффақиятлар тилаб қоламиз.
