Яна бир ёш хонандамиз нуфузли танловда муносиб иштирок этди

Ўзбек эстрадасида ижод қилаётган ёш хонандаларимиз нуфузли мусиқий танловларда иштирок этиб, ўз иқтидорларини намойиш этишмоқда. 

Хусусан, яна бир ёш хонанда Жаҳонгир ҳам истеъдодини “Ягонасан, муқаддас Ватан” танловида синаб кўрди. Жонли ижрода куйланган “Ўзбекистон” номли таронаси хайъат аъзоларига маъқул келиб, Жаҳонгир учун 3-ўрин белгилашди.

Энг асосийси эса Жаҳонгир танловнинг Республика босқичига йўлланма олди. Хонанда Республика босқичи учун махсус қўшиқ тайёрламоқда. 

Мустақиллик байрамига монанд равишда яратилаётган тарона тез кунларда тайёр бўлади. Байрам олдидан ўтказилувчи танлов учун эса бу айни мос келади. 

Жаҳонгирга омад тилаб қоламиз.