"Синглим" фильмининг илк намойиш этиладиган санаси маълум бўлди

Бир гуруҳ кино ижодкорлар томонидан тасвирга олинган "Синглим" фильмининг катта экранларга чиқишига саноқли кунлар қолди. Кўпчиликни қизиқтираётган картинанинг илк намойиш этиладиган санаси маълум бўлди. Премьера 27 июль куни Алишер Навоий номидаги киносаройида бўлиб ўтади. Фильмда бош ролларни Севара Солиева, Шаҳло, Элбек Файзиев, Шавкат Комилов, Талъат Йўлдошев ва бошқалар ижро қилган. Картина ота-онасидан эрта ажралган ва акасининг қўлида вояга етган сингил ҳақида бўлиб, у барча сингилларга бағишланади.