Гулсанам Мамазоитова навбатдаги тожик тилидаги қўшиғини тақдим қилади

Яқиндагина Ўзбекистон халқ артисти Гулсанам Мамазоитова янги видеоклип устида иш олиб бораётгани ҳақида маълум қилган эдик. Маҳоратли клипмейкер Дилмурод Агзамов билан яратилаётган клип "Соғиндим ишон" номли тарона учун тасвирга туширилган. Хонанданинг маъмури маълум қилишича, Сарвар ва Комил билан ҳамкорликда ёзилган мазкур композициянинг тожик тилидаги тури ҳам тақдим этилиши кўзда тутилган.

Тарона "Ман интизорам" деб номланган. Сир эмаски, Сарвар ва Комил билан қилинган аввалги ҳамкорлик натижаси, "Кел" қўшиғи ва унинг тожик тилидаги тури халқимиз орасида яхшигина оммалашди. Ўйлаймизки, навбатдаги қўшиқнинг ҳар икки тури ҳам, клипи ҳам ўз мухлисларини топади.