Отабек Муталхўжаев тез кунда янги видеоклипини тақдим этади

Хонанда Отабек Муталхўжаев тез кунда "Айт тун" қўшиғи учун суратга олинаётган видеоклипини намойиш қилади. Видео асар клипмейкер Шуҳрат Мавлонов билан ҳамкорликда суратга олинмоқда.
Тасвирга олинаётган янги клип ҳарбий-ватанпарварлик мавзуида бўлиб, ўзбек ўғлонларининг терроризмга қарши кураш йўлида кўрсатган жасоратига бағишланади. Клип учун актёрлар кастинги эълон қилинди. Кастингдан ўтган ёш истеъдодлар асосий қаҳрамонлар ролини ижро этишади. Бош рол эса Отабек Муталхўжаевнинг ўзига топширилган.